ສຳນວນພາສາ

Ø ສໍານວນພາສາ.

1.ເບິ່ງຊ້າງໃຫ້ເບິ່ງຫາງ ເບິ່ງນາງໃຫ້ເບິ່ງແມ່.

–ຄວາມຫມາຍ:ຢາກຕັກເຕືອນສັ່ງສອນຄົນເຮົາຢູ່ໃນສັງ ຄົມໃຫ້ມີການຄົ້ນຄິດພິຈາລະນາກ່ອນຈະເຮັດສິ່ງໃດສິ່ງຫນຶ່ງຕ້ອງຄົ້ນຄິດໃຫ້ຖີ່ຖ້ວນ.

-ຄວາມຫມາຍ:ໃຫ້ຮູ້ຈັກສືບສາວພິຈາລະນາລັກສະນະ ບຸກຄົນຫຼືແມ່ຍິງທີ່ຈະເລືອກຄົບຫາຫຼືເປັນຄູ່ຄອງ.

2.ໄປຢຽບຫມາ ມາຢຽບຂຽດ.

-ຄວາມຫມາຍ:ຄວາມດຸຫມັ່ນຂະຫຍັນພຽນໃນການ ອອກແຮງງານ.

3.ອົດສົ້ມໄດ້ກິນຫວານອົດທົນທານວຽກງານຈຶ່ງແລ້ວ

-ຄວາມຫມາຍ:ອົດໃຈໄວ້ກ່ອນ,ລໍຖ້າສິ່ງທີ່ດີກວ່າ ໃນວັນ ຂ້າງຫນ້າ,ຖິ້ມສິ່ງທີ່ບໍ່ດີ ຫວັງເອົາສິ່ງທີ່ດີກວ່າ.

4.ນໍ້າເພິ່ງເຮືອເສືອເພິ່ງປ່າ ປາເພິ່ງນໍ້າ.

-ຄວາມຫມາຍ:ຄວາມສາມັກຄີຊ່ວຍເຫຼືອເຊິ່ງກັນແລະກັນ.

5.ເຫັນເງິນຫນ້າດໍາເຫັນຄໍາຫນ້າເສົ້າ.

-ຄວາມຫມາຍ:ຄວາມໂລບມາກໂລພາ.

6.ຢູ່ໃຫ້ປູກມອນຫນີໃຫ້ຊອນຮົ້ວ.

 -ຄວາມຫມາຍ:ການສ້າງຄວາມດີແມ່ນມີປະໂຫຍດຕໍ່ ຕົນເອງແລະສັງຄົມ ໃນເວລາທີ່ເຮົາດໍາລົງຊີວິດຢູ່ ບ່ອນໃດກໍຕ້ອງສ້າງຄວາມດີໃຫ້ຫຼາຍໆ.

7.ນໍ້າຂຸ່ນແພ້ນ້ໍາໃສ ໃຈດີແພ້ໃຈຮ້າຍ.

-ຄວາມຫມາຍ:ຄວາມດີຍ່ອມຊະນະທຸກຢ່າງສະເຫມີ.

8.ງາມແຕ່ຮູບຈູບບໍ່ຫອມ.

-ຄວາມຫມາຍ:ຮູບຮ່າງສວຍງາມແຕ່ກິລິຍາມາລະຍາດ ແລະການປະພຶດບໍ່ດີ.

9.ເຮືອຫຼົ້ມບາດຈອດ ຕາບອດບາດເຖົ້າ.

-ຄວາມຫມາຍ:ເຮັດຫຍັງເປັນໄປໄດ້ດີຕະຫຼອດ ແຕ່ພໍ ຈະສໍາເລັດກໍມີອຸປະສັກ,ຄົນທີ່ເຮັດດີມາຕະຫຼອດ ແຕ່ ມາເສຍຄົນບາດເຖົ້າ.

10.ໄມ້ອ່ອນ ບໍ່ຫ່ອນຫັກ.

-ຄວາມຫມາຍ:ຄົນທີ່ສະຫຼາດຕ້ອງຮູ້ຈັກອ່ອນນ້ອມ ຖ່ອທຕົນ ຈິ່ງຈະຢູ່ໄດ້ຢ່າງເປັນສຸກ.

11.ຫມາຍໄຮ່ໃຫ້ສຸດສາຍຕາຫມາຍນາໃຫ້ສຸດສຽງຮ້ອງ.

-ຄວາມຫມາຍ:ການອອກແຮງງານດ້ວຍຄວາມດຸຫມັ່ນ ຂະຫຍັນພຽນ.

12.ສະຫນຸກເຮືອນເພິ່ນ ບໍ່ທໍ່ທຸກຢູ່ເຮືອນໂຕ.

-ຄວາມຫມາຍ:ຄົນເຮົາຄວນພາກພູມໃຈໃນສິ່ງທີ່ ຕົນເອງມີ.

13.ກົບຕາຍຍ້ອນປາກ ຄັນຄາກຕາຍຍ້ອນສຽງ.

-ຄວາມຫມາຍ:ເປັນຄົນບໍ່ຄວນອວດອົ່ງທະນົງຕົວ,ຕ້ອງ ຮູ້ຖະຫນອມທ່ອມຕົວ.

14.ຄົບຄົນໃຫ້ເບິ່ງຫນ້າ ຊື່ຜ້າໃຫ້ເບິ່ງເນື້ອ.

-ຄວາມຫມາຍ:ຄວນລະມັດລະວັງໃນການຄົບຄົນຫຼື ຈະຊື້ຫາອັນໃດກໍຕາມ.

15.ຫມູເຂົາຈະຫານ ເອົາຄານເຂົ້າໄປສອດ.

-ຄວາມຫມາຍ:ຄົນທີ່ເຂົ້າໄປຂັດຂວາງໃນຂະນະທີ່ຜູ້ອື່ນທໍາການກໍາລັງສະເລັດ,ຄົນທີ່ໄປແຊກແຊງໃນເລື່ອງຜົວ ເມຍສະແດງຄວາມຮັກ.

16.ເອົາຫູໄປນານ ເອົາຕາໄປໄຮ່.

-ຄວາມຫມາຍ:ວາງໂຕເປັນບໍ່ຮູ້,ບໍ່ເຫັນ,ບໍ່ຍິນ,ບໍ່ສົນໃຈ.

17.ໄວປາກເສຍສິນ ໄວຕີນຕົກກົກໄມ້.

-ຄວາມຫມາຍ:ເວົ້າຈາຫຼືເຮັດອັນໃດໂດຍບໍ່ລະມັດລະວັງ ແລະຄິດກ່ອນຍ່ອມເກີດ ຄວາມເສຍຫາຍ.

18.ມືບໍ່ພາຍແຕ່ເອົາຕີນປ້ານນໍ້.

-ຄວາມຫມາຍ:ບໍ່ຊ່ວຍເຮັດວຽກແລ້ວຍັງຂັດຂວາງການ ເຮັດວຽກຂອງຄົນອື່ນ.

19.ມືຖືສາກ ປາກຖືສິນ.

-ຄວາມຫມາຍ:ພາຍນອກສະແດງຕົວເປັນຜູ້ມີສິນ ທໍແຕ່ທີ່ຈິງແລ້ວປະພຶດຕົນບໍ່ດີຫຼືບໍ່ຖືກຕ້ອງຕາມ ສິນທໍາ.

-ຄວາມຫມາຍ:ວາງໄຕເປັນບຮູ,ບເຫນ,ບຍນ,ບສນໃຈ.

17.ໄວປາກເສຍສິນ ໄວຕີນຕົກກົກໄມ້.

-ຄວາມຫມາຍ:ເວົ້າຈາຫຼືເຮັດອັນໃດໂດຍບໍ່ລະມັດລະວັງ ແລະຄິດກ່ອນຍ່ອມເກີດ ຄວາມເສຍຫາຍ.

18.ມືບໍ່ພາຍ ແຕ່ເອົາຕີນປ້ານນໍ້.

-ຄວາມຫມາຍ:ບໍ່ຊ່ວຍເຮັດວຽກແລ້ວຍັງຂັດຂວາງການ ເຮັດວຽກຂອງຄົນອື່ນ.

19.ມືຖືສາກ ປາກຖືສິນ.

-ຄວາມຫມາຍ:ພາຍນອກສະແດງຕົວເປັນຜູ້ມີສິນ ທໍາແຕ່ທີ່ຈິງແລ້ວປະພຶດຕົນບໍ່ດີຫຼືບໍ່ຖືກຕ້ອງຕາມ ສິນທໍາ.

20.ນໍ້າຊູ້ນໄວ້ໃນ ນ້ໍາໃສໄວ້ນອກ.

-ຄວາມຫມາຍ:ບໍ່ສະແດງອາລົມທີ່ບໍ່ພໍໃຈອອກໃຫ້ ເຫັນ,ບໍ່ພໍໃຈກໍສະແດງຫນ້າຕາທ່າທາງດີ.